不要對我尖叫，日常茶間， (中環大廈) (已結業)

係中環新開左間台式飲品店，個名不但夠哂特別，連個icon都好eye catching💕 聽聞係由黑澀會成員丫頭開😍成間店行文青路線。”不要對我尖叫”係指年輕人平時受到嘅責罵與批評，而依間店正正係比大家輕鬆休閒咁休息下嘆下茶。由於🍔係中環返工，不時會經過，今次就一口氣幫大家介紹其中四杯🤤-桂花鮮奶茶($26)加白玉珍珠(+$6) 一攞上手就感嘆，好靚嘅漸層啊~❤️上層係奶茶而下層係牛奶加桂花釀，係成杯嘢嘅甜味所在，所以唔會唔自然。奶茶嘅茶味都幾香，夾雜住淡淡嘅桂花味，幾清新👍🏽白玉珍珠口感Q彈，唔會過甜，都算ok!-玫瑰可可牛奶🍫🥛($36)加地瓜芋圓($6) 可可混入牛奶嘅效果都好靚呀😍 牛奶用上澳洲鮮牛奶，不會用奶粉，感覺上更加天然！而玫瑰嘅花香都好突出，唔會覺得假🥰 三種材料擺埋一齊味道又唔會有違和嘅感覺。-冬瓜菊花🌼($18)加芋圓(+$6) 依杯係店鋪主打👑 甜味來自由冬瓜露，唔會太甜同比較健康。菊花帶點清香嘅味道，加埋芋圓增加口感，很推介這個，cp值幾高🌟-玫瑰鮮奶茶🌹 ($28) 加芋圓($6) 依杯打卡一流，勁明顯嘅三層漸變🤤 芋圓嘅芋頭同蕃薯味都唔會話淡，食得出真材實料