影片
更多
2009-06-22
7 浏览
我同honey都好鍾意食點心架,以前試過夜晚想食點心,就走到老遠既灣仔點心皇,而家唔見咗間野,好似話執晒喇;早前喺OR見到有間人氣點心專門店,話由早到晚都有點心食既,有機會當然要去試吓啦!上個月去過一次,由於時候唔早,見有咁多人,諗住排到都可能收檔,所以冇等到,一直都覺得有啲可惜架;上星期六出咗去太子睇戲,4點場,睇完都係6點,一早已經決定無論如何都要嚟呢度試吓,去到6:45左右,攞咗個籌,知道要等15個號碼,見條路咁窄,天氣又熱,於是就喺附近周圍行,係漫無目的咁行,悶?總好過吸埋咁多死氣嘛(好多電單車停咗喺添好運門口,耐唔耐就有人嚟攞車,跟住好快又會有人走埋嚟泊車,啲廢氣完全未停過)…等咗差唔多一個鐘,終於可以入去坐喇,被安排坐喺6人檯既中間位,好逼,食物選擇唔係咁多,叫咗…晶瑩鮮蝦餃 $16 …蝦餃超細粒,味道普通,更完全唔覺人地話既皮薄餡靚豉汁蒸鳳爪 $10 …鳳爪比出面食開既短身,細隻,冇乜特別好味酥皮焗叉燒包 $12 …呢個係見到隔離食既時候好似好好味先至叫,原來都唔係咁特別,個酥皮啲味食落好似蛋撻既曲奇皮,夾埋啲叉燒食有啲怪,唔明點解係鎮店名物,gimmick野,整返傳統叉
上個月去過一次,由於時候唔早,見有咁多人,諗住排到都可能收檔,所以冇等到,一直都覺得有啲可惜架;上星期六出咗去太子睇戲,4點場,睇完都係6點,一早已經決定無論如何都要嚟呢度試吓,去到6:45左右,攞咗個籌,知道要等15個號碼,見條路咁窄,天氣又熱,於是就喺附近周圍行,係漫無目的咁行,悶?總好過吸埋咁多死氣嘛(好多電單車停咗喺添好運門口,耐唔耐就有人嚟攞車,跟住好快又會有人走埋嚟泊車,啲廢氣完全未停過)…
等咗差唔多一個鐘,終於可以入去坐喇,被安排坐喺6人檯既中間位,好逼,食物選擇唔係咁多,叫咗…
晶瑩鮮蝦餃 $16 …蝦餃超細粒,味道普通,更完全唔覺人地話既皮薄餡靚
豉汁蒸鳳爪 $10 …鳳爪比出面食開既短身,細隻,冇乜特別好味
酥皮焗叉燒包 $12 …呢個係見到隔離食既時候好似好好味先至叫,原來都唔係咁特別,個酥皮啲味食落好似蛋撻既曲奇皮,夾埋啲叉燒食有啲怪,唔明點解係鎮店名物,gimmick野,整返傳統叉燒包或者會好啲
陳皮牛肉球 $10 …通常喺有返啲名氣既酒樓見有呢味都一定會點,但食咗咁多次有返咁上下的都唔係咁多間,呢間都唔例外,唔知食梗舊乜,總知就唔覺得係牛肉,一啲牛肉味都冇
韮黃鮮蝦腸 $16 …腸粉細條到前所未見,三兩啖就食晒,點解有人話好滑架,完全唔覺囉,淨係覺得蒸到過晒火,淋晒,不過同意係勁多油既
鮮菇棉花雞 $16 …又係好細碟,棉花同雞都唔多,而且好散(細細粒)
鮮蝦燒賣皇 $16 …呢個覺得係最唔好食既,淡貿貿,而且啲燒賣仲細得可憐(見到個蒸籠仲有咁多位剩就知啦)
原本係諗住食住再叫既,而家睇嚟都唔駛lu,去第二度食穩陣啲喇…
點心味道固然重要,但其實服務都好緊要架,點可能喺客人食物上面幫其他客人加茶架,啲茶瀉咗,落咗喺啲食物度係咪幫我換過晒先?況且而家H1N1咁盛行,你自己話喇…
其實都有成年幾冇寫食評喇,今次寫返都係因為覺得太失望啫,講真如果抱住平常心嚟食係ok架,但如果係滿懷希望既話,我諗真係要有返啲心理準備先得,啲人吹捧得呢度太過份喇,有啲名過其實囉…
张贴
