小確幸

住係港島區真係唔識新界路，但嚟到呢頭基本知有B仔涼粉，但之前食過，唔覺有乜特別。
我嘅吃貨朋友話我知呢度有間必吃布甸燒，長途跋涉揸幾十公里入到嚟，點都要試一試。

芝士蛋糕同布甸都係我飛佛，兩者結合簡直無得輸，芝士蛋糕軟硬適中，甜度亦不會過火。真係行過路過，唔好錯過，我坐係入面食咗十分鐘左右，已經比人掃得七七八八，本來仲想買多個外賣返屋企食，但係慢咗一步比人買晒，但都不枉我山長水遠入嚟食。
真係要再講三次，必食、必食、必食。