寶樹堂涼茶

营业中

休息中

長沙灣寶樹堂涼茶嘅格仔餅真係超級好食！本來係夜晚經過口痕想食格仔餅，見佢$18蚊而且咁夜都有生意就買咗底嚟食，之後就係咁忍唔住返轉頭買嚟食。每次水準都咁好，唔寫返篇食評真係對唔住自己。佢嘅格仔餅係即叫即做，新鮮熱辣，攞上手好有份量，而且啲色好靚。食落外脆內軟（真係有聲嗰種脆，而家真係唔多鋪頭做到），會食完一啖又一啖，食晒成底都唔會膩。嗰啲醬好濃好好味，甜而不膩，仲可以叫老闆免費多醬/少醬，或者脆啲冧啲都得。