御泰坊-泰越菜 (已結業)

見到食評人話大份量,. 以為誇張左. 點之去到二人叫左個泰式炒金邊粉、雞絲湯河粉、蒜容包.食物: 泰式炒金邊粉. 粉好彈牙，好滑口,味道似食緊茄汁蝦. 甜甜酸酸. 好食, 粉炒得唔太濕. 剛剛好. 我同朋友都好鍾意.. 份量唔少.. 可以分到四個飯碗 四十幾蚊..抵,. 雞絲湯河粉 : 粉質好滑身,己經夠通透, 唔碎. 有咬口. 湯好清. 不過咸左少少. 雞絲好多舖滿面，雞絲好滑, 唔鞋. 仲有少少牙菜伴~ 份量好大碗，好多粉. 可以分到四個飯碗~ 份量真係足夠三人吃. 四十蚊. 都算抵. 蒜容包: 十八蚊咋. 多過必勝客. 又厚又大件, 仲有好多蒜容在表面，不過我同朋友個人不是太喜歡. 因為佢用左長條法包做出黎. 包皮太硬. 咬到牙較都軟埋.... 整体上，服務好好. 有禮,. 呢間野一到六時就好多人等位. 但係可以照拎飛，佢地原來分左三色飛仔. 好似酒樓咁叫號碼, 分埋幾多人的枱子. 所以輪位非常快. 雖然個個都忙.. 但係侍應夠.. 好快有人應你. 叫菜一次過黎哂. 份份都熱的. 價錢雖然好似好貴. 但係比返同一份量你食.. 我覺得係抵. 仲可以坐得耐. 多人時間都唔趕客.