Couch CLUB

营业中

休息中

整體水準有驚喜柚子蜜糖炸雞炸雞外皮金黃脆身，咬落熱辣辣有肉汁，蜜糖掛汁均勻，甜味溫和唔膩。柚子香氣雖未算突出，但蜜糖同炸雞本身嘅鹹香配搭得宜，作為小食夠哂惹味，抵食之選！ 紅酒燉牛面肉旋風蛋飯牛面肉燉到近乎入口即化，紅酒醬汁濃郁帶微微果香，撈埋流心旋風蛋同珍珠飯，口感滑溜豐腴 整體風味紮實，係飽肚又滿足嘅主菜。 慢煮三文魚配南瓜蓉三文魚慢煮功夫出色，魚皮微脆，肉質嫩滑帶油香，完全無腥味。南瓜蓉打得細滑香甜，天然食材原味突出，清淡得嚟顯心思，適合鍾意輕食嘅朋友。 招牌提拉米蘇波波茶一咬開係綿密慕斯同手指餅，酒香含蓄唔搶，甜度控制得剛剛好。造型得意打卡 宇治抹茶拿鐵茶味甘香濃郁無澀味，奶泡綿密帶微微回甘，熱飲溫度拿捏準確，飲到尾都保持順滑 餐廳菜式有心思兼保留食材本味，定價合理環境同服務亦舒適。整體質素對得住價錢，絕對係會回頭再試嘅小店！