百伏棧台灣小吃 (已結業)

今日諗住放學，行過大有見到呢間野個名咁搞笑， 諗住幫襯下， 點知真係好伏!叫左香酥豬扒肉燥飯， 同埋呢個胚芽奶茶， 其實阿姐落單都已經粗聲粗氣， 都算啦…希望野食好味補救， 首先講下杯飲品先， 點解， 台式餐廳係港式奶茶？一飲就飲到， 港式奶茶味然後，到個飯更精彩， 肉燥嚟講都係港式肉碎， 肉燥飯係濃汁， 佢個d汁淡色無味， 肉燥碎碎粒，又無肥， 又無肉味， 我諗緊我食緊咩？d飯又唔熱又無飯味， 豬扒咪似香港茶餐廳醃豬扒方法， 台式係唔會用呢種醃料， 重有點解豬扒要點泰式雞醬？重有無諗過呢d質數都會有加一服務費， 可能話點解無相睇， 我都唔想浪費我手機memory影d扮台式香港茶餐廳食物!都係個句唔使錢都唔會再嚟…P.S. 其實如果咁緊張d枱， 不如你地寫明限時， 唔好成日望實我， 其他枱又唔見佢地咁緊張…