村爺爺車仔麵 (已搬遷) 新店位置

Lunch time 經過好多次呢間村爺爺車仔麵,店面唔大 ,門口電視不停播廣告, 都冇入去食過,今日想食車仔麵就同同事去食啦。講真鋪位好細, 得十零個坐位 , 但估佢唔到原來咁勁, 入面貼滿曬明星黎食野相, 來頭應該不小。呢度先要門外點餸然後坐低比錢再慢慢食嘅。佢有個龍蝦湯伊麵餐 , 有半隻龍蝦 +2款車仔餸 , 只係要$58. 睇價錢以為好流, 食過就知會返轉頭。先講個湯-一飲就知係用大量龍蝦餚出黎, 鮮甜到不得了, 好濃郁,好好味, 絕對係可以飲曬一大碗。龍蝦肉都係爽口彈牙, 搵唔到彈嘅地方!個伊麵都煮到剛剛好, 好食過酒樓D 淋啤啤上湯龍蝦伊麵多多聲。咁嘅價錢， 咁嘅質數， 真係揾唔到第2間可以比。