影片
更多
2019-10-27
34 浏览
一講到食川菜，唔少人包括我在內，都係會諗到係返大陸食嘅，不過由於最近都好少返大陸啦，所以都好少食川菜。不過最近突然川菜癮起，馬上喺旺角度搵下有冇啲好食嘅川菜，結果俾我搵到間麻辣串串香，叫做爆汗串串，仲要係任食個喎。餐廳嘅格局就好似快餐店噉樣，我估佢午市應該會做麵餐，不過我哋今日重點係佢嘅放題。百幾蚊鬆啲就有個放題都算抵食啦，最好就係唔使就住就住咁食。去到菜單，麻辣串都係成三四十種，選擇都係非常之多，亦都有數十種開胃嘅小食，同埋有幾種面餐畀大家選擇。等我簡單介紹下啲開胃小菜。開胃蓮藕片係凍食嘅，一食已經覺得有好勁嘅麻辣味，十分爽口。鍾水餃，係好細細粒嘅水餃，食落都幾好咬口嘅，再加埋林上一個麻辣醬，都係一個值得推介嘅小食。唔辣嘅小食真係唔多，所以呢個棒棒雞我就叫咗兩個。基本上係芝麻醬溝青瓜同雞絲，當食其它嘢食好辣嘅時候，呢個棒棒雞直頭係清泉，都係必叫嘅。跟住要打大佬喇。麻辣串串係大碗噉上嘅，當然係非常之足料啦。基本上我係乜都叫啲，入邊有雞肉，成都腸仔，貢丸，午餐肉，餃子，鴨舌等等。重點當然係個麻辣湯底啦，由於我平時都係探魚同麻辣火鍋嘅朋友，所以都唔算話完全食唔到辣。而呢個湯底比我感覺就係辣
一講到食川菜，唔少人包括我在內，都係會諗到係返大陸食嘅，不過由於最近都好少返大陸啦，所以都好少食川菜。不過最近突然川菜癮起，馬上喺旺角度搵下有冇啲好食嘅川菜，結果俾我搵到間麻辣串串香，叫做爆汗串串，仲要係任食個喎。
餐廳嘅格局就好似快餐店噉樣，我估佢午市應該會做麵餐，不過我哋今日重點係佢嘅放題。
百幾蚊鬆啲就有個放題都算抵食啦，最好就係唔使就住就住咁食。
去到菜單，麻辣串都係成三四十種，選擇都係非常之多，亦都有數十種開胃嘅小食，同埋有幾種面餐畀大家選擇。
等我簡單介紹下啲開胃小菜。
開胃蓮藕片係凍食嘅，一食已經覺得有好勁嘅麻辣味，十分爽口。
鍾水餃，係好細細粒嘅水餃，食落都幾好咬口嘅，再加埋林上一個麻辣醬，都係一個值得推介嘅小食。
唔辣嘅小食真係唔多，所以呢個棒棒雞我就叫咗兩個。基本上係芝麻醬溝青瓜同雞絲，當食其它嘢食好辣嘅時候，呢個棒棒雞直頭係清泉，都係必叫嘅。
跟住要打大佬喇。
麻辣串串係大碗噉上嘅，當然係非常之足料啦。基本上我係乜都叫啲，入邊有雞肉，成都腸仔，貢丸，午餐肉，餃子，鴨舌等等。
重點當然係個麻辣湯底啦，由於我平時都係探魚同麻辣火鍋嘅朋友，所以都唔算話完全食唔到辣。而呢個湯底比我感覺就係辣度適中。如果啲串串浸哂落去真係辣嘅，仲會食到出汗添，但係浮喺面嗰啲串串其實就唔算辣。
印象比較深刻就係成都腸仔，佢係同我哋平時食開嘅腸仔唔同，有少少似臘腸，但非常幼身，大家都可以試下嘅。
腐皮都係另一個推介，腐皮可以吸收曬佢啲辣汁，食落非常之爽。
土豆食落去非常之爽，所以我忍唔住食咗兩塊。
食肉獸嘅話當然要選擇雞肉同牛肉，都係幾有咬口嘅。
食到咁上下，就叫返個麵食啦，由於已經好喇，食唔到辣麵，所以就噉叫原味嘅面就算啦，爆汗牛肉都有幾濃郁嘅麻辣味，推薦大家食。
總結，呢間餐廳真係畀到我望梅止渴嘅感覺，喜歡川菜嘅朋友就唔好錯過喇。
张贴
