豐味窯雞

营业中

休息中

自從之前朋友介紹我買呢隻豐味窯雞食過一次，媽咪都話好食👍🏻而家我每次嚟觀塘都會買返去。一拎上手就知道真材實料，成隻雞份量十足！肉質超滑嫩仲好Juicy，提早打電話去book，去到就有得攞。啱啱攞到嘅時候仲係熱辣辣㗎。香味一陣陣飄出嚟，返到屋企拆開錫紙，成個廚房都係呢種香味。😋如果擺入焗爐加熱可以直接連埋錫紙。 用微波爐加熱嘅話，可以用佢附送嘅手套撕開雞肉。雞骨都好入味，可以煲湯嘅時候擺埋落去。啖湯更加好飲。