大廚料理 (已結業)

第二次食呢間私房菜，上次係同男朋友去食堂食，今次就係成班朋友一齊叫到會食🤣好多之前都無食過，我覺得最好食既係佢隻雞同埋個刺身沙律😋😋我平時唔係特別中意食雞，因為我唔中意食啲有骨既野🤣但佢呢隻雞會好似啲海南雞咁起曬啲骨，而且佢每一舊雞中間都會夾住一塊火腿同東菇，本身西班牙火腿已經好濃味，但佢配埋落隻雞同啲東菇一齊食又唔會搞到食唔到其他兩樣野既味道，成個味道加埋真係好夾🧐🧐個刺身沙律係我食過最好食既沙律，啲食材好新鮮，拍得住出面日本餐廳既刺身，而且佢側邊擺左好多五顏六色既配菜黎做襯托，賣相好睇之餘仲好食😋😋😋諗住下次成班朋友叫埋其他無試過既野🤣🤣真係令人好有衝動想試曬佢所有菜式🤣🤣