影片
更多
2010-01-03
4 浏览
9點幾去到都仲要等位, 好彩只係等左大概10分鐘度~~ 揭開個餐牌, 見到價錢都不禁乍舌~ 真係好抵食咁! 於是唔理三七二十一係咁叫~5個人叫左2個PIZZA, 一個意大利包, 3碟意粉, 1個RISSOTO, 一個田螺, 2個扒. 另外仲叫左D甜品~~先講PIZZA～我推介牛肉PIZZA因為佢D肉粒都幾好食~ 不過其實真係幾少料, 個PIZZA佢又唔會切好俾你, 搞到我地要'鋸'得好辛苦先切得開佢~ 另外一個煙肉菠蘿PIZZA其實都係差唔多啦~當然咁既價錢有一個9寸既PIZZA你都唔可以期待上面有好多料~ 但係可讚既係佢D芝士真係幾多下, 可以拉到好遠都仲拉到~ XD個意大利包我地叫左蒜蓉味, 都幾好食啊~ 另外意粉我地叫左一個茄汁蜆肉意粉~ 我覺得呢個就麻麻地~ 個茄汁好奇怪~ 好似得個茄味咁~ D蜆都OK啦~~ 我覺得CARBONARA比較好食~ 另外一個野菌白汁意粉都幾好~ 所以下次我去都會叫白汁意粉~個飯係海鮮意大利飯~ 個飯比較濕D, 但係都幾多料, 有2隻青口, 有D魷魚圈咁~ 但係真係比較似湯飯~ 個田螺唔係太好食~ 我會寧願佢用蒜去煮, 而唔係用洋葱粒~ 2份扒算係平
揭開個餐牌, 見到價錢都不禁乍舌~ 真係好抵食咁! 於是唔理三七二十一係咁叫~
5個人叫左2個PIZZA, 一個意大利包, 3碟意粉, 1個RISSOTO, 一個田螺, 2個扒. 另外仲叫左D甜品~~
先講PIZZA～我推介牛肉PIZZA因為佢D肉粒都幾好食~ 不過其實真係幾少料, 個PIZZA佢又唔會切好俾你, 搞到我地要'鋸'得好辛苦先切得開佢~ 另外一個煙肉菠蘿PIZZA其實都係差唔多啦~當然咁既價錢有一個9寸既PIZZA你都唔可以期待上面有好多料~ 但係可讚既係佢D芝士真係幾多下, 可以拉到好遠都仲拉到~ XD
個意大利包我地叫左蒜蓉味, 都幾好食啊~ 另外意粉我地叫左一個茄汁蜆肉意粉~ 我覺得呢個就麻麻地~ 個茄汁好奇怪~ 好似得個茄味咁~ D蜆都OK啦~~ 我覺得CARBONARA比較好食~ 另外一個野菌白汁意粉都幾好~ 所以下次我去都會叫白汁意粉~
個飯係海鮮意大利飯~ 個飯比較濕D, 但係都幾多料, 有2隻青口, 有D魷魚圈咁~ 但係真係比較似湯飯~ 個田螺唔係太好食~ 我會寧願佢用蒜去煮, 而唔係用洋葱粒~
2份扒算係平均啦~ 個牛扒比較好食D, 當然啦, 因為佢都差唔多係份MENU入面最貴既ITEM~ ($49) 漢堡扒都幾好食~ 不過如果要食扒我就唔會再係呢度食~ 都係食返PIZZA抵D~~
服務方面, 我諗佢地一係係唔夠人手, 一係就因為有D侍應生真係成日O係度同同事傾偈~搞到成日要舉手好耐先有人理~
餐具只係俾到O岩O岩好, 想問佢攞多D做'公器'都問唔到因為D侍應唔理我~ 最後係出左去攞野飲O個度攞左兩對木筷子做公筷~
水都係要自己攞架~ 有度唔好係個熱水喉出水極慢~ D杯既衛生狀況都係令人有D懷疑~
食到捧住個肚, 每人都係食左60大元~~ 好抵食~~ 不過D野食都幾油~ 因為食完感覺好'滯'~
张贴