Sevva (已結業)

之前assistant打電話黎book位先知道原來裝修緊，所以一知道佢哋裝修完就book咗嚟呢度client lunch. 我哋六個人被安排坐到餐廳最入面最大嘅長枱，講真呢度環境真係一流坐得好舒服，出面仲有靚景成個感覺都好好，而且服務都好周到。首先當日係冇lunch menu, 我問服務員佢先至同我講話lunch menu下星期先有。我想問點解打電話嚟定位嗰陣冇人講? 坐低左之後亦冇人講? 要客人問先至話下星期先有? 其實我主要係見客自己食咩冇所謂，但係我仲要考慮啲客食唔食得飽，講真如果知道冇lunch menu我係會改地方嘅。一心諗住嚟咗就開開心心食完就算啦，點知食物同飲品真係不敢恭維！我成世人都未見過份量咁細嘅risotto, 個碟就大啦但分量大約係半隻手掌嘅大小! 你睇蝸牛個shell 你就可以知道個飯嘅份量係有幾少! $400幾蚊一個飯起碼你都俾個正常少嘅份量係咪，但呢個係少得過份! 好啦食完仲要傾咁就再嗌野飲, 杯凍檸茶相當難飲, 我都唔expect西餐廳會有茶餐廳杯茶嘅水準, 但成$100杯茶可唔可以俾返少少心機? 如果唔係食公司，我係絕對唔會嚟呢度食飯。