發記茶餐廳 (已結業)

自從被炒魷魚，預備執包伏走人，都諗有咩食店想再幫襯。油尖旺早餐選擇何其多，呢間都要一去再去。早餐叫了麵+奄列：火腿麵用隻偏平的碟裝，好得意，麵身有點似福麵feel，應該唔係大光麵，奄列煎得少少燶，內含唔少餐肉，奶茶的橙紅色膠杯好懷舊。如果只係講食物既質素和味道，我真係搵唔到理由叫你去(只限早餐)，但去了幾天，見到成班都係熟客，姐姐店主們落單堅持唔寫字，一份一份用口講，難免錯漏，一份一份慢慢整，亦考驗大家有耐性等，但偏偏熟客keep住來，我相信，除了加一蚊就可叫凍飲外，更令人吸引的，應該係店主的人情味，好似媽咪整早餐比你食咁款，令人日日都準時報到。