巧得鍋 (已結業)

好耐無食雞煲，夏天嘆住冷靜食雞煲打邊爐真係好正。朋友住觀塘，今日收工之後佢帶我去一間係工廠大廈嘅餐廳食雞煲！去到好有私房菜咁嘅感覺，質素幾好，真係要介紹下👍🏻呢到有好多款雞煲、魚鍋，火鍋都有龍蝦、海鮮、皮蛋莞茜、沙嗲、麻辣等湯底。仲有刺身、小食、甜品等💁🏻好多款調味料自己揀，又無額外收費👍🏻我同朋友叫咗半隻小辣巧得鍋招牌雞煲（$128）雞煲唔乾身，個汁好特別，唔同平時嘅麻辣味或者奇味🤔辣度調較啱啱好，除左辣味之外，仲有少少沙薑嘅味道😍啲雞好嫩滑，煮得好入味，而且半隻嘅份量好足👍🏻食完之後就會加湯打邊爐，亦都可以揀清水。朋友唔食牛，咁我地就揀咗極上黑豚肉（$88）雖然賣相好吸引，但就脂肪比較多😂食落口就入口即化，又唔韌口，加埋雞煲個汁真係好正🤤我地仲叫咗粟米（$25）同嚮鈴（$28）粟米幾新鮮都埋好甜😋嚮鈴都幾多，索晒雞煲個汁，雖然好heavy但真係好惹味好正👍🏻雞煲打邊爐越食越入味！如果食唔到辣嘅朋友記得早啲拎走啲辣椒岀黎啊😂😂