泰妃雞 (已結業)

昨晚同阿女去整手機，要等一小時．之前有朋友推介，便來試下，叫了個海南雞飯餐包凍飲（＄40）及豬頸肉金邊粉冬陰功湯底（＄27），後加多一杯凍奶茶（＋＄6 咋）．起初以為冬陰功湯好辣，唔適合阿女，飲落唔辣，好味，好正宗冬陰功味．　比阿女試，她話正，就連湯都飲清哂．個海南雞飯又係好味，雞好滑，件數都幾多，個醮雞汁都好好味．　好過我在其他的泰國菜館食的雞好似隔夜（個樣好肉孫咁）又小件數．　最後，杯凍奶茶都好好飲，因我本身係奶茶精黎，唔鍾意飲凍，因怕加冰希哂，食泰國嘢又唔想飲熱，點知飲落又幾好，覺得個茶好厚（即濃）奶及甜度又剛剛好，唔錯唔錯．這店需然細細地，的食物都唔錯．我朋友真係無介紹錯！還有個ｗａｉｔｅｒ都好好人，剛入坐時又比多張椅比我放嘢．　我後來加那杯奶茶，他又話比我知因我叫了個金邊粉所以只加＄6．唔會係唔係都計我原價．