影片
更多
2018-07-26
289 浏览
臨離開香港前早上大家樂排晒隊，唯有上上邊搵嘢食。上面有中菜翠華麥當勞，門口三間都幾乾淨，好啦揀咗翠華，入到去開始覺得唔對路，如果唔怕污糟可以入去挑戰下，首先地下係污糟嘅，啲枱係黐立立嘅，所有可以見到嘅地方都好似好耐好做過清潔，員工比我嘅態度感覺上只係打份工，求其送多個餐出去已經係100分.好啦嘢食嚟到，好明顯啲碗係冇洗乾淨，會有上一手嘅食物殘渣，叫咗四杯野飲，其中一杯杯嘢飲等左20分鐘都無嚟到，原來阿姐唔小心整左落地下之後都唔記得咗補番杯凍檸茶。只可以咁講食物零分，衛生零分，員工嘅工作態度亦都係零分！竟然係國際機場有間咁污糟嘅餐廳，絕對好影響遊客對香港嘅印象。希望機場可以引入返一啲有質素嘅餐廳，唔係如斯墮落嘅翠華！
沙爹牛麵
$230
21 浏览
0 赞好
0 留言
张贴
