自家烏冬 (已結業)

話說，自家烏冬做廣告做到出哂名。搞到我想試下，機緣巧合之下就陪個同學試下啦。前菜吉列魚柳呢個唔係好得，粉太重搞到無乜魚肉食到。雞軟骨餃子呢個又幾好食，將雞軟骨釀入餃子，個味道好特別而且都算幾夾。係個幾得意既小食。炸蠔我以為粉會好重，但食落又唔係。隻蠔既大小適中，而且都幾新鮮。不過，食炸蠔都係去MK既某地啦。烏冬炸物掛烏冬黎到自家烏冬，無可能唔食烏冬既。呢個炸物烏冬有炸蝦、炸獅子狗，之後就淋上醬油。首先，個烏冬真係幾彈牙爽口，而且個醬油同烏冬係天衣無縫。而炸物既粉都唔係太重，真係唔錯架。飲品焦糖珍珠奶茶食完餐飯點都要飲杯野作結既，呢個珍珠奶茶同出面既差唔多啦。但茶味比較濃，而且焦糖味都幾重。真係幾好飲。實有下次既，因為個價位唔太高。而且早食飯人唔會太多，會坐得舒服。