成都小巷米線雞煲 (和富道) (已結業)

呢間嘅雞煲或者烤魚放題出名好抵食，之前經常都會去九龍灣分店食😋不過，好可惜九龍灣分店早排已經結業🥹咁啱呢日嚟北角，順便可以食下，餐廳環境乾淨舒適～⇝麻辣烤魚放題 90分鐘 $138原本係鯇魚，轉鱸魚每位+$10，條魚好大條呀，超多肉，小辣食落微微嘅辣，唔會太重口味，但係味道都好足夠，想再惹味啲可以自己點啲醬油，配菜仲有蓮藕、芽菜、金菇、娃娃菜，吸晒啲汁好入味！食完烤魚，就可以出去自助區拎啲火鍋配料，例如：肉類、丸類、蔬菜及麵食，選擇都幾多，而且擺放得好整齊，而飲品就有普通罐裝飲品及兩款啤酒🍻⍨呢個價錢嚟講，個人覺得好滿意😋