光榮冰室 (兆和街) (已結業)

光榮冰室喺荃灣都好出名，特登去試佢個光榮三眼仔餐；三眼仔，即係有三隻太陽蛋嘅餐。叫咗個吉列雞扒三眼仔餐，配蔥油。一上碟都覺得幾誇張，三隻蛋煎得靚，而且飯量都唔細。蔥油都唔算鹹。笑死我，未食完啲蛋嘅時候已經切咗好多雞扒食，點知食完蛋，原來俾蛋遮住嘅雞扒仲有好多（呢度係大概一半）！佢個炸雞扒真係大到不得了。雞扒應該係啱啱炸起嘅，好熱，而且外脆，入面一啲都唔乾。入面都夠鹹，都有醃過。58蚊有咁大碟，仲要咁足料，算良心價了。