影片
更多
2011-07-17
52 浏览
今日屋企人生日, 去咗呢間 Al Dente Soho 食dinner. 叫咗個白酒蒸青口, Beef Sirloin, Seafood Paella (西班牙海鮮飯).白酒蒸青口($78): 味道唔錯. 個汁用蕃茄, 紅椒, 磨菇,水瓜榴同牛肉湯味精粒煮成. 鹹鹹酸酸, 幾醒胃. 沙律菜伴碟. 10分滿分的話有8分.Beef Sirloin with wine sauce ($148): 買相幾好, 本來想影張相POST上嚟, 但發現唔記得帶電話. 大碟中間有薯蓉墊底, 薯蓉上有一塊紅椒, 一 塊黃椒, 紅蘿蔔, 南瓜, 西蘭花同2條豆角. 再上面係Sirloin. 塊Sirloin其實都算有牛肉味, 剛好medium, 但個面有幾重嘅牛肉精味 (supermarket賣個種寫住OX, 一粒粒正方形個隻牛肉精). 估計係燒之前用牛肉味精湯先浸過. 薯蓉應該係用sour cream同牛肉精搞嘅. 鹹咗D. 碟嘢初時都覺得幾好味,但食吓食吓就覺得味精實在太重, 開始越來越口渴, 要不斷飲水. Seafood Paella($148): 料好足, 2隻大蝦,細蝦5-6隻, 幾塊魚肉, 魷
白酒蒸青口($78): 味道唔錯. 個汁用蕃茄, 紅椒, 磨菇,水瓜榴同牛肉湯味精粒煮成. 鹹鹹酸酸, 幾醒胃. 沙律菜伴碟. 10分滿分的話有8分.
Beef Sirloin with wine sauce ($148): 買相幾好, 本來想影張相POST上嚟, 但發現唔記得帶電話. 大碟中間有薯蓉墊底, 薯蓉上有一塊紅椒, 一 塊黃椒, 紅蘿蔔, 南瓜, 西蘭花同2條豆角. 再上面係Sirloin. 塊Sirloin其實都算有牛肉味, 剛好medium, 但個面有幾重嘅牛肉精味 (supermarket賣個種寫住OX, 一粒粒正方形個隻牛肉精). 估計係燒之前用牛肉味精湯先浸過. 薯蓉應該係用sour cream同牛肉精搞嘅. 鹹咗D. 碟嘢初時都覺得幾好味,但食吓食吓就覺得味精實在太重, 開始越來越口渴, 要不斷飲水.
Seafood Paella($148): 料好足, 2隻大蝦,細蝦5-6隻, 幾塊魚肉, 魷魚, 蜆. 屋企人話味道OK, 都有相當味精, 但冇塊扒咁過態.
其實呢間 Al Dente 食材唔差, 但個Chef 唔知點解樣樣嘢都要落牛肉精. 真係好可惜. 我食完飯4個鐘頭,期間飲咗4-5杯水都仲覺得非常非常非常口渴. 灣仔 Al Dente我都食過, 都冇呢個問題. SOHO呢間個Chef 真係有D問題. 但話說回來, 每樣嘢價錢都唔貴, 又食得飽, 可能係要犠牲一下味道啩? 如果大家真係好受得味精, 都可以一試嘅.
另一個問題係佢個地板都幾污槽, 好似好多油咁, 直頭會跣腳. 要改善.
张贴