hoo韓國包車

营业中

休息中

朋友成日睇韩剧，成日都有个场口，男女主放工会去街边嘅小食档饮酒食宵夜。最近喺IG辘到香港有间餐厅装修相当韩国，于是今日就同朋友一试呢间还原度十足嘅韩式食店！一上到大厦顶楼出电梯，睇得出装潢相当花心思，系干净版既大排档～由大门口开始已经处处都系打卡位，气氛同布置都相当还原韩国场景，好有趣！好开心我地可以坐到个铁闸位，影起梳相上嚟特别有feel～我地点咗三个菜加两个饮品，好快就有得食！芝士蟹膏蟹肉蛋卷朋友赞不绝口既一个蛋卷，真系必试，满满嘅半熔芝士捞埋鲜美蟹膏，加埋啖啖蟹肉，滑嫩鲜三合一，相信都无咩人唔爱😳卜卜脆炒猪脆骨 拼拳头饭呢个做下酒菜好适合，猪脆骨口感爽脆，又够香辣，相当惹味，忍唔住一啖接一啖🤣🤣🤣拳头饭加咗紫菜同麻油，拌埋浓味嘅猪脆骨，够哂夹！饮埋个荔枝梳打，冰冻清甜解渴，正好可以解解辣🤣一鸡两味（自选两款炸鸡）因为太想食炸鸡啦！我地拣咗双拼，酱油味同埋甜辣味，调味好好味，份量大大件又啖啖肉，但肉质又唔会话好干，食完呢个炸鸡真系好饱，要去散步消化～呢度完全系一个轻松自在开怀畅谈嘅气氛，见隔离枱一班朋友饮起韩国酒嚟就更加份外尽情！