陳黃記 (已結業)

嗰日餓餓地，就落樓下食返個下午茶！大約係四點到啦！餐廳入邊冇乜人都係得一兩個小貓三四隻！ 咁我心諗都好正常姐呢啲唔係食飯時間！之後我就叫左一個人蔘雞湯米粉！講真佢個人蔘雞湯一啲都冇人蔘雞湯味同清湯差唔多！咁米粉都正正常常嘅！我朋友叫咗個醉雞米線，就真麻麻哋啦！醉雞呢就唔夠酒，咁米線呢就太硬，個湯底呢就太咸！結論就係呢間餐廳不會再嘗試了！試咗一次俾咗個機會佢就夠啦！咁佢嘅服務同埋環境都可以嘅，如果想求求期期食一餐就算都可以嘅！