陳漢記 (已結業)

和同學上完堂放學走去醫肚, 久唔久夜晚經過都見"陳漢記"有人喺門口排隊🚶👭👬👫👪👯💑 趁今次還未到晚飯時間,冇人排就走入去試下, 朋友見有菠蘿冰🍍喺個餐牌, 非常雀躍 !坐低即叫, 還點了豬潤粥同炸兩, 粥底夠曬棉, 豬潤就有少少淥過龍唔夠滑, 炸兩方面,裏面條油炸鬼, 我哋咁嘅時辰去 ,唔會有脆的, 都可以理解, 腸粉皮就真係比其他店鋪做得好,呢個真係抵讚 仲叫了個爽滑魚皮 ,好在豉油唔係太鹹 但薑蔥就落唔夠, 同冇加麻油同胡椒粉。魚皮本身淡茂茂,真係好靠調味,呢方面上有改進空間⤴。