影片
更多
2010-09-27
348 浏览
好久無同老媽子食飯，見佢朝朝都飲茶，決定帶佢鋸吓扒知道呢間餐廳開咗好耐，亦知道佢係貴嘢，所以一路都無幫襯。但上嚟見到有人話佢個午餐大概一舊水，好吸引，趁今日帶埋老媽子試吓先門口帶位個姐姐好nice，但ｄwaiter嘅態度就認真麻麻午餐嘅選擇都算多，牛扒有西冷同肉眼，仲有豬、羊、魚、雞，緊有一款啱你！除咗西冷係$120，其餘每款都只係$88!老人家緊係食得健康ｄ，所以老媽子揀食三文魚扒。我嚟得呢度就當然要試試佢ｄ牛啦，平平地試個肉眼先！先嚟一盤有好多塊嘅吐司，細塊嘅好脆好香口，大塊嘅只係微微toast過，但搽埋牛油都好好味餐湯起初飲頭幾啖覺得比較淡，但飲吓飲吓，其實都夠味。見佢個樣以為係羅宋湯，但飲落應該只係菜湯。但為咗個食評能做到巨細無遺，我飲完都問吓waiter哥哥呢個湯個大名（心諗起碼都有個＂義大利雜菜湯＂嘅朵），點知佢好冷淡咁答話：＂菜湯＂。聽完真係有幾秒失望主菜上場～老媽子嘅三文魚扒，撇開個sauce唔講，件三文魚扒真係完全無味，兼仲有ｄ腥個cream sauce味道亦未見突出！我個肉眼賣相不錯，薄薄一塊都真係做到五成熟，強！牛扒肉質鮮嫩，燒得好香，但稍欠肉味！反而伴碟嘅薯蓉、
知道呢間餐廳開咗好耐，亦知道佢係貴嘢，所以一路都無幫襯。但上嚟見到有人話佢個午餐大概一舊水，好吸引，趁今日帶埋老媽子試吓先
門口帶位個姐姐好nice，但ｄwaiter嘅態度就認真麻麻
午餐嘅選擇都算多，牛扒有西冷同肉眼，仲有豬、羊、魚、雞，緊有一款啱你！除咗西冷係$120，其餘每款都只係$88!
老人家緊係食得健康ｄ，所以老媽子揀食三文魚扒。我嚟得呢度就當然要試試佢ｄ牛啦，平平地試個肉眼先！
先嚟一盤有好多塊嘅吐司，細塊嘅好脆好香口，大塊嘅只係微微toast過，但搽埋牛油都好好味
餐湯起初飲頭幾啖覺得比較淡，但飲吓飲吓，其實都夠味。見佢個樣以為係羅宋湯，但飲落應該只係菜湯。但為咗個食評能做到巨細無遺，我飲完都問吓waiter哥哥呢個湯個大名（心諗起碼都有個＂義大利雜菜湯＂嘅朵），點知佢好冷淡咁答話：＂菜湯＂。聽完真係有幾秒失望
主菜上場～老媽子嘅三文魚扒，撇開個sauce唔講，件三文魚扒真係完全無味，兼仲有ｄ腥個cream sauce味道亦未見突出！
我個肉眼賣相不錯，薄薄一塊都真係做到五成熟，強！牛扒肉質鮮嫩，燒得好香，但稍欠肉味！反而伴碟嘅薯蓉、南瓜、粟米都好好味！但當我响度品嘗我全碟最後個粟米時，有位應該係較高級嘅waiter（黑衫），走埋嚟想收我隻碟，但見我食緊舊粟米，講咗句＂唔好意思＂就行開咗。本來係無問題，好衰唔衰佢走去同其他同事，以語帶輕視嘅語氣講：＂係囉，ｄ粟米都好食嫁＂！我想問吓，係咪上等人就唔希罕食ｄside dish嘅！你俾得我，我又覺得好食兼唔想浪費，食埋係咪阻住你收碟先
講番ｄ食物，甜品係香蕉pancake，雖然香蕉肉唔多，但連ｄ忌廉都好有香蕉味，正！
再嚟杯熱檸水，估佢唔到兩塊檸檬都已經夠晒酸
雖然以呢個價錢，响呢間扒房，食個午餐真係好抵，但唔知係咪將貨就價，質素認真麻麻再加埋waiter嘅態度，我應該只此一次！自問平民百姓，不敢高攀
张贴
