無敵家

营业中

休息中

今日收工去左上環行街，行下行下見到有間拉麵店，餓餓地就無再諗求其入左去試下，點知伏伏地，唔會再有下次。入到去店員服務其實唔錯，都會主動問有無咩要幫手，俾我既感覺係好認真服務客人，真係抵讚。落完單嘢食上既速度唔算耐，但出到黎品質真係令人打左個凸。拉麵賣相不嬲都唔會差，只要擺得工整一定唔會失禮人，睇相其實佢賣相都幾好。可惜既係味道完全唔得。以佢呢個價位黎講咁既水準真係唔可以接受，佢可能比街邊3-40蚊碗仲差。點難食其實都唔洗點講，因為真係唔推薦大家黎食。