百份百餐廳 (華景商場)

营业中

休息中

咁啱係附近做野，都唔係好熟附近有咩好食，又係見到呢間百分百，真係所有屋村商場都有一間，唔緊要啦，都係諗住食個快飯啫，其實茶餐廳質素黎講，佢都唔算差，起碼都坐得幾舒服。先講食物質素先，今日叫左葱香雞扒飯，其實本身想食豬扒，不過豬扒無晒，所以唯有食雞扒，真心雞扒煎得幾香口，仲有肉汁喺裡面，D葱油好香，配合一齊真係好好味。餐飲叫左杯凍奶茶，茶味唔夠濃，奶味偏重，我自己唔太鍾意。其實一間連鎖餐廳，食物正常唔會太差，價錢亦都合理，但真係唔明點解大部分分店D員工都係咁差，成日企晒喺後面，前面枱客人叫極都唔理，可能呢D係店舖風格，但我真係唔識欣賞。