影片
更多
2021-11-27
316 浏览
星期六中午喺觀塘想食burger 無意中搵到呢間餐廳，兩個人就決定去試吓。上到十一樓有另外兩間餐廳都要排隊，反而呢度唔洗，不過都好，唔洗等位。呢間餐廳好特別有泰式粉食又有漢堡食，每樣都好似好吸引，但見食評個個都話漢堡好食所以都係決定都係試咗漢堡先。佢呢度嘅漢堡配搭好特別，岀面好似都冇見過，我哋就叫咗一個牛小排，一個吞拿魚扒，每個餐都配咗沙律薯條都嘢飲。幾樣野值得一提，佢寫明食物冇用味精同雞粉👍🏼另外佢個冰果茶係無糖👍🏼而且佢有得揀低醣選擇，好似係會將個包轉做菜👍🏼佢每樣野都應該係即叫即整，食物一嚟到個賣相已經好好，一嚟到少咗薯條，原來餐廳話仲炸緊，所以上咗個burger 先廢事凍咗👍🏼我本身以為吞拿魚扒會唔夾，只係諗住冒險試吓，點知一食不得了，第一個包係熱，一邊仲烘到仲好脆，第二啲配菜好夾好好食，有脆嘅洋蔥圈增加口感，而且啲醬唔會太多，有啲餐廳太多醬會搞到個包濕笠笠好核突，呢度完全冇呢個問題，而最重要中間塊吞拿魚扒真係好好食，好厚肉好好食，成件事好完美🥰睇得出餐廳真係每個細節位都做得好，係好有心思。另外我都試咗一啖牛小排嗰款，肉質好淋，又係好好食。另外再上返個薯條，熱辣辣又係好好食，而
呢間餐廳好特別有泰式粉食又有漢堡食，每樣都好似好吸引，但見食評個個都話漢堡好食所以都係決定都係試咗漢堡先。
佢呢度嘅漢堡配搭好特別，岀面好似都冇見過，我哋就叫咗一個牛小排，一個吞拿魚扒，每個餐都配咗沙律薯條都嘢飲。幾樣野值得一提，佢寫明食物冇用味精同雞粉👍🏼另外佢個冰果茶係無糖👍🏼而且佢有得揀低醣選擇，好似係會將個包轉做菜👍🏼
佢每樣野都應該係即叫即整，食物一嚟到個賣相已經好好，一嚟到少咗薯條，原來餐廳話仲炸緊，所以上咗個burger 先廢事凍咗👍🏼我本身以為吞拿魚扒會唔夾，只係諗住冒險試吓，點知一食不得了，第一個包係熱，一邊仲烘到仲好脆，第二啲配菜好夾好好食，有脆嘅洋蔥圈增加口感，而且啲醬唔會太多，有啲餐廳太多醬會搞到個包濕笠笠好核突，呢度完全冇呢個問題，而最重要中間塊吞拿魚扒真係好好食，好厚肉好好食，成件事好完美🥰睇得出餐廳真係每個細節位都做得好，係好有心思。
另外我都試咗一啖牛小排嗰款，肉質好淋，又係好好食。
另外再上返個薯條，熱辣辣又係好好食，而沙律菜都好新鮮。
成餐每一樣野食都好好食，真係感受到餐廳有用心煮。另外都想講服務好好，收錢嗰陣都問我哋食物點，又話唔好意思要我哋打對坐舒服(我哋冇表示過亦都唔覺得個位有問題🤣個環境正常，而且好乾淨)。
總括嚟講，食物真係好高質素，用心小店，絕對絕對會再返嚟食!
100 浏览
0 赞好
0 留言
张贴
