幸福班戟 (已結業)

我係梳乎厘班戟愛好者幸福pancake剛開張嘅時候有食過一次，真係一試難忘！隔左一排，又好想食梳乎厘班戟，所以特登捉男友一齊過海去銅鑼灣食!大約5點左右去到，一上電梯..冇咩人啵！正啊！但點解條龍尾有繩封住左？再望望...原來係通道最後面排緊隊，被騙了😂到龍尾見到都有20幾人，感覺應該唔會等好奈。排到店前剛好有冇人想坐的户外位，差不多等左30分鐘終於入到去，已經算快..一坐低就被告知班戟要等40分鐘，當下心諗：唔會咁奈嘅!! Menu 其實唔洗睇，我比較中意食原味，男友完全理解唔到梳乎厘pancake 魅力，所以叫左鹹味班戟同咖啡呢到要先到收銀處落單俾錢，然後職員會俾個號碼牌你放係台。然後...開始漫長的等待..雖然坐戶外好relax, 但呆呆等40分鐘，等到我都懷疑人生🌝 明明廚房已經無間斷整...好啦，終於梳乎厘班戟到先，當然手機食先~ 影完到我，嗯~第一啖咬落去，好鬆軟呢~ 好似食緊棉花糖但又唔係甘虛無的口感。但..冇我第一次食咁好食..蛋香味唔夠，甜度都仲可以接受。說好的幸福呢？而且唔知關唔關戶外事，班戟好快就扁左，冇左好鬆軟感覺😭跟住 厚切煙肉炒蛋鹹班戟 都到，個樣都好吸引。