十里洋場 (已搬遷) 新店位置

常日聽人地講話十里洋場嘅🦀大閘蟹餐好唔錯，今年最後一餐大閘蟹就試咗佢啦～～😆先黎前菜拼盤🍽，有金絲小排骨、女兒紅醉雞、四喜烤麩、黑松露珍珠熏溏心蛋。小妹最鍾意小排骨，酸甜酸甜的，好開胃！十里蟹皇翅算係小妹食過嘅大閘蟹餐入面最足料嘅羹翅，真係食到蟹膏嘅味道，不過小妹覺得偏咸。 全個餐最欣賞嘅2道菜～～元貝芙蓉蟹斗同鮮蟹粉蝦球鍋巴。前者將蛋白同瑤柱蟹粉釀入蟹殼焗，蛋白好滑，配焗過嘅蟹粉香口又有鮮味😋。後者嘅鍋巴沾上咸蛋黃炸脆，食落脆卜卜好香口，加埋鮮蟹粉蝦球，好味到小妹好想encore🤣最後生拆蟹粉鮑魚撈飯，聽個名都矜貴。炒飯的確炒得唔錯夠乾身，不過蟹粉唔算好多，而且鮑魚仔食落有d似罐頭鮑魚個種 （雖然小妹都冇諗住佢會俾正鮑魚），但連普通鮑魚都唔係，失分咗d🙄。而甜品夠薑芝麻湯圓真係好夠薑味，湯丸大大粒口感煙韌😊至於主角呢？😮 唔知係咪已經到11月尾，大閘蟹冇我預期嘅咁正。雖然係有香濃嘅蟹膏味，不過蟹膏嘅份量相對少（好似三四両重嘅蟹嘅蟹膏份量 ，小妹覺得隻蟹公應該冇5両重🤔） 係有d失望啦。。。大家有機會去都係早d訂位早d去食囉。最後想講，雖然做會員可以以半價＄388位享用套餐，不過計埋小