農米莊 (厚福街)

营业中

休息中

今日約咗朋友去尖沙咀行街睇戲，行到餓餓哋，就諗住搵地方食飯，就去咗有名食街搵食，見到一間標榜可以成碗湯都飲晒嘅米線，就入咗去試...呢度嘅湯底真係好多，應該係行健康路線，有好多養生湯底同平時喺米線鋪都會有機會見到嘅湯底，例如麻辣，酸辣等等！淨係講湯底都有十幾款咁多，真係揀到花都眼亂，不過唯獨是特別嘅係有冬陰公湯底，因為應該係食泰國嘢先有嘅口味，仲有喇沙湯底添...我就試咗個冬陰公海鮮雞湯米線，味道比一般泰國嘅冬陰公冇咁辣，有幾啱香港人嘅口味如果正宗嘅冬陰公可以辣到食唔到，我朋友就叫咗個椰子雞湯米線，我食咗佢幾啖又幾特別喎！有震震嘅香味啲雞又滑，食食吓真係可以飲晒啲湯，下次去尖沙咀想食野又有一個新選擇！