MOO Beef Cafe (已結業)

我地見將軍澳中心開咗好多新食肆，差唔多每一間都試勻晒，唯獨有一間我地長期都無去過，因為我地見佢門面裝修奇怪，食物價錢唔平，同埋出面無咩人等。今日經過見佢做緊優惠，就諗住去試下啦，點知原來係一個超級大伏嚟㗎！！！首先佢假日午餐唔平，平均都100至到150蚊；但係份量就非常少，得個碟嘅一半多少少。我地叫咗個雞胸黃薑炒飯，個飯無炒過，雞胸無味，食完好似食咗飛機餐咁 😭。跟住原價64，優惠價28嘅半份安格斯牛三文治仲細過大家樂嘅下午茶size。最奇怪係佢嘅服務：我唔係話D侍應無禮貌，但真係好無記性，叫一樣嘢要哎三次先記得，個日係星期日嘅三四點本身已經無咩人。總括嚟講，今次嘅餐飲體驗非常差，非常奇怪，希望佢地可以就住食物份量同味道，價錢同服務質素度好好改善，如果唔係我地都幾難會再嚟。