滾得囍宮廷火鍋小炒 (已改名) 查看

一入到黎裝修比較暗，但係好有氣氛，入黎都有比座龍椅嚇左一嚇，真有心思做佈置，同成間餐廳既主題都好吻合。而且一陣「邊爐」味攻上黎，令我即刻好肚餓。入到黎即刻上左前菜，幾惹味開胃，都錯十分不錯。港式邊爐必備既自選醬汁盆，老實就，我筆完之後，幾乎成晚都用唔著，因為個湯底本身就好好味，所以所有食材都好夠味，完全不用整色整水。花多眼亂，最後叫左拼盆，一次過試多d花膠雞煲湯底上湯後，侍應建議先飲一碗同埋食下花膠。湯頭雞味十足，好似幾廿隻雞煲埋一煲，好濃厚既雞味。加上花膠發揮凝結作用（雖然冇乜味），所以食落會張口，若唔小心掂到，隻手都會立痴痴。然而湯係真係好好飲，花膠都有十幾片，百幾蚊一煲真係幾抵。海鮮盆陣容都十分強大，而且有光澤，睇落同食落都好新鮮！十分推薦聖子，真係啖啖肉。飛驒牛又係必叫雖然價格貴左啲，但係哥以生、熟兩食，十分高質素。入左軟滑，咬兩日就溶化掉。淥到半生熟咁食就剛剛好了。豪氣地叫左象拔蚌刺生，睇住師傳一片一片切，十分考起師傳刀功，而且好新鮮好甜。全場唯一小小失望係個咸蛋響鈴咸蛋味不夠濃，而家烤完再沾上咸蛋醬的做法令到腐皮本身軟掉，我還是喜歡脆口的響鈴多點。