麵麵 (已結業)

見佢用魚麵作招來，終於試到。整體黎講，烏冬十分彈牙有質感，好鬼好食，不過就份量有點小，每人一個主食都唔係好夠飽。我同朋友叫左極上蟹匠拌魚肉烏冬，蟹肉都多，用上麻醬拌味好開胃，不過蟹膏就用韓國果d蟹膏醬，有少少求其，畢竟都收成百幾蚊。我朋友幾啖就食晒。我就叫左麻辣燒牛肉拌魚烏冬，唔會好麻辣，燒牛肉無咩特別，都係果句，魚烏冬撈咩都好食但份量少😋最後我地叫左小食漁人樂脆，呢個反而有驚喜，價錢合理份量都多，上台時熱辣辣，擺凍左都仲係超脆！好味！三百幾蚊都幾貴下，但整體魚烏冬幾出色，但拌醬同配料就一般，小食有驚喜。