八一蕃巴蜀烤魚店 (鱟地坊)

好耐冇食過烤魚，行過荃灣呢間就姑且試一次。

叫咗個酸菜烤魚大邊小辣，加咗份薯粉同鮮什菇。
條魚用咗孜然粉醃，孜然粉同羊肉就夾，同魚就唔太配合
食落覺得都幾重口味，懷疑味精幾重手
條魚本身肉質ok，可能係唯一優點

舖面甚為擠迫，侍應又唔係話友善，所以食完即走
坐車返屋企開始覺得反胃同頭暈，唔知係唔受得啲咩配料，結果落車冇耐就嘔到一地都係

簡單講，呢間嘢，冇下次。