Green Common (海港城) (已結業)

好多人聽到「素食」就覺得唔夠飽，款式又好悶，其實而家都變晒勒，尤其是西式素食，無論外貌同味道做到同普通有肉菜式都無咩分別，所以素食一d都唔悶！Green common越開越多，行過尖沙咀果間，無乜人，可以坐得舒舒服服，一於入去試下啦！佢都幾多款式揀，可能多七彩蔬菜，個個都幾吸引，不過冷盤就唔岩我勒，隊長揀左個「海南雞飯」，家姐就食「擔擔麵」配小麥奶茶，先上我個雞飯，長方形「雞塊」既外形就唔係太似，不過墊底就有d菇扮「雞雜」，都幾似真，而且都有碟蔥油，同真既無咩分別，「雞塊」其實係腐皮包豆榨，食落質地當然唔同雞肉，但略嫌質地有點鬆散，如果做到似上海菜果款素鵝甘，入口會好d；至於黃薑飯就乾身左d，如果有少少濕潤感，會更似油飯。家姐的擔擔麵，外形就十足十正常擔擔麵，夾左佢一舊仔「肉碎」食，都真係幾似真肉碎，可以以假亂真。至於杯小麥奶茶，而家我唔飲得啦，但上檯時都聞到好香麥精+奶茶既味道，家姐話好飲，佢唔落牛奶，但都好香滑。其實食素唔一定係關於宗教，只係偶爾食下，健康一點也無壞！