之前係日本同男朋友食過炭火串燒，一直念念不忘，一聽到呢間餐廳係用炭燒，即刻拖埋男朋友去試試！
一落巴士行5min到就到，門面細細，入面裝修係日式居酒屋咁，坐係bar枱咁食，可能多人聚會未必適合
坐底就見到牆上掛哂一個個木牌，上面有齊成間餐廳供應既串燒，款式唔算多，男朋友係牛魔王，一見到A5和牛呢4隻字，即刻叫左串試下
A5 和牛串$68
單上，碟上有張牛油紙咁既野吸下油，食落牛肉都冧，牛味好出，落多少少鹽一齊燒仲好，可惜得4粒，一人兩粒就食完，完全唔夠喉
雞牛豬各一串，仲有豬頸肉，豬頸肉唔係一串上，而係單上，食落好香口，超爽唔un, 差唔多我自己一個食哂haha
豬牛雞串就好似泰式串燒咁，上面有d沙嗲花生醬，都幾夾，易咬開，但相對黎講唔夠特別
我最鍾意就係燒翠玉瓜，香甜，加上少少辣椒同醬汁，完全係賣飛佛！另外既丸串燒，墨魚丸最彈口，大細岩岩好一啖食哂，正！
