愛麵子 (已結業)

尋晚約左朋左喺屯門嘅巴倫紐米睇戲，襯未開場於是一條友去食D野醫下個肚，戲院附近有間叫"愛麵子"嘅麵舖，見到有我最鐘意食嘅牛腩做招牌菜，於是走入去試試。打開餐牌有成六十幾個粉麵款式揀，確實多花款，於是我點左個"牛三寶麺"加底，三寶有牛腩、牛肚同牛根。等左三、四分鐘就有碗熱騰騰、香噴噴嘅麵放喺枱面了。先飲啖腩湯，好重嘅牛骨味，但略嫌鹹左些少，牛腩好腍，食完唔痴牙，而牛肚就好爽，加D辣椒油同食仲正，可惜牛根就腍左少少，冇左最重要嘅彈牙口感，佢嘅麵底就做得夠爽口彈牙了,煮得啱啱好，成碗麵十零分鐘就食完了，跟住埋單走人，盛惠$34。整體黎講食物水準算可以，但個人認為湯底鹹左少少，下次去睇戲前再黎試下其他嘅粉麵。