唯珍上海麵家 (已結業)

行到佐敦，其實真係有好多野食可以揀，但今晚真係好想食粉麵，所以就揀左呢間唯真，兩個人食左三樣野，第一個酸辣湯﹣好“希” 冇特別，可以不試，第二個北京餡餅﹣個皮真係好薄，而且餡超多，抵食之選，第三個雲吞豬手麵﹣雲吞幾好食，餡好足，但其實個餡感覺上同北京餡餅裡面係一模一樣，但豬手呢。。。得兩舊仔少到冇朋友，仲要係骨黎，但個味道合格總算拎返啲分數，雪菜超多，而且個麵份量夠，可以話係抵食之選。總括黎講，以呢個價錢係抵食，食物水準尚可！