The Hwaduk (已結業)

一直有意來這裡吃烤雞，不過太多野想食，所以等到今天才來到。這裡的廚房對正入口，所以可以看到廚房內有個很大的烤焗爐，既然看到焗爐當然要叫烤雞。藍梅桑格利亞有酒精$98，有cranberry 果汁混合，酸酸甜甜，酒味唔算太重，飲完都會有酒意。香辣海鮮配烏冬$178，有很多海鮮，八爪魚、蜆、青口、中蝦、魷魚、大蔥、紅蘿蔔條、金菇菜，又有海鮮又有蔬菜，所以個湯好鮮甜，不過都幾辣，我們就覺得好正宗，係醎咗少少，可能厨師重手咗，如果淡返D，就perfect 啦。我建議先吃烏冬，因為烏冬浸在湯內太久會好淋，如果先食烏冬就比較彈牙。辣椒烤雞$198，落單時，經理表情有些奇怪，他問我spice的，心諗韓國烤雞有幾辣呀，睇外表就唔覺得辣，因為沒有紅色辣椒粉，食落口，有股熱流冲上頭，就明白點解經理要問多次，原來真係好辣，不過我們食得辣，所以覺得非常滋味。無酒藍梅桑格利亞S$88，有些橙片、蘋果片，cranberry 味道幾濃郁，食辣雞，解渴一流。