影片
更多
2020-04-18
152 浏览
喺旺角桔梗食完晚餐，香港人嘅下場梗係想食甜品。原本諗住去上海街食蟲二，好可惜佢到嘅時候啱啱9點，冇位又截單，唯有轉地方。旺角大多數都係港式甜品店，唔係咁啱，就坐的士去到大角嘴。因為疫情關係，兩個四人雅座，變成每枱只可以坐兩個。跟住隔離得返兩張四人位。所以如果你撞正多人嘅時候，真係要等下。當日我等兩張枱，我足足等左30分鐘以上。喺等位嘅期間，真係見到好多好多人叫外賣速遞。兩三架電單車停喺門口，轉個頭又有幾架過嚟。望下有咩食先，叫得芋圓一，更係主打芋圓。梳乎厘其實都好吸引，但唔知點解見到個賣相咁單調，你想唔靚我就唔揀佢啦。你知啦相機食先㗎嘛。血橙雪花冰呢就其實係10分吸引，但當我地見到嗰份量之後就放棄咗喇。個冰好大吖，成個頭咁大，我地三個人一定都食唔晒，到時仲點試食下其他吖。食唔飽嘅朋友，可以試下小食吖。嚟張大合照先桃膠雪燕窩清心丸芋圓呢碗糖水入邊仲有藜麥，幾特別。但我好似唔多覺入邊有清心丸嘅，因為我印象裏面清心丸都係好彈牙㗎嘛，我食咗咁耐又唔多覺有咁Q嘅嘢。桃膠方面又係唔多，食左都冇感覺，可能冇乜口感關係。芋香仙草芋圓相隔一年，水準依舊，芋香汁則帶出整個香滑口感。無可否認，呢間舖頭嘅仙草
因為疫情關係，兩個四人雅座，變成每枱只可以坐兩個。跟住隔離得返兩張四人位。所以如果你撞正多人嘅時候，真係要等下。當日我等兩張枱，我足足等左30分鐘以上。喺等位嘅期間，真係見到好多好多人叫外賣速遞。兩三架電單車停喺門口，轉個頭又有幾架過嚟。
望下有咩食先，叫得芋圓一，更係主打芋圓。
梳乎厘其實都好吸引，但唔知點解見到個賣相咁單調，你想唔靚我就唔揀佢啦。你知啦相機食先㗎嘛。
血橙雪花冰呢就其實係10分吸引，但當我地見到嗰份量之後就放棄咗喇。個冰好大吖，成個頭咁大，我地三個人一定都食唔晒，到時仲點試食下其他吖。
食唔飽嘅朋友，可以試下小食吖。
嚟張大合照先
桃膠雪燕窩清心丸芋圓
呢碗糖水入邊仲有藜麥，幾特別。但我好似唔多覺入邊有清心丸嘅，因為我印象裏面清心丸都係好彈牙㗎嘛，我食咗咁耐又唔多覺有咁Q嘅嘢。桃膠方面又係唔多，食左都冇感覺，可能冇乜口感關係。
芋香仙草芋圓
相隔一年，水準依舊，芋香汁則帶出整個香滑口感。無可否認，呢間舖頭嘅仙草係幾好食，夠結實，而且真係有嗰種味道喺到。如果你只係諗住試食其中一款，我10分推薦你揀呢一款先。
椰汁海燕窩芋圓
簡直就好似食緊椰汁燕窩咁，冇真嘢食，食住呢個先都覺得特別補啲。
總結：相隔一年，但覺得水準依然都係好。但如果今次個師傅可以將啲芋圓煮少10零20秒嘅話，口感一定比較Q。而家我略嫌芋圓有少少淋。
张贴
