影片
更多
2007-06-01
21 浏览
星期二的晚上, 即興的飯局, 跟文迪兩姊妹去了蘇豪東. 要約的可能要搞好耐, 都唔知成唔成, 有時即興的局反而更加精彩.來到蘇豪東, 當然係再來一次中意仿.八點幾來到, 相當多人, 都要等一會先有位. 三個人, 就要了個三位的彷彿在童年餐.三個小菜, 一碟菜, 一人一大碗湯, 再加上甜品, 今次九式.好豐富的一餐.西洋菜煲瘦肉: 9分, 無味精的湯, 一飲落口係好熱, 亞妹仲辣到, 西洋菜算幾淋., 湯就好清, 大大碗, 由開始飲到尾, 份量十足..粟米魚塊: 9分, 依然係小弟心愛的魚塊. 粟米汁係好像奶一樣, 撈汁一流. 當然魚塊唔係甚麼新鮮貨色, 粟米汁跟平日吃開的亦不太相同. 但係我就係喜歡這種奶油的感覺.係個隻喜歡的就好喜歡, 不喜的就完全不愛. 我們三個當中, 亞妹同我都鍾意, 文迪就不喜歡.咖哩雞: 8分, 亞妹揀的, 喜出望外, 個汁又係好得, 又係好好撈飯的. 小弟食了兩件雞都係比較老的, 但係文迪食的那件又唔老. 不過雞肉就麻麻入味, 薯仔就好正.紅酒番茄燴牛尾: 8分, 又一個汁去撈飯, 紅酒汁都唔錯, 真係食到成碗飯都係汁. 牛尾煮得未算好入味, 不過幾淋.蒜蓉
來到蘇豪東, 當然係再來一次中意仿.
八點幾來到, 相當多人, 都要等一會先有位. 三個人, 就要了個三位的彷彿在童年餐.
三個小菜, 一碟菜, 一人一大碗湯, 再加上甜品, 今次九式.
好豐富的一餐.
西洋菜煲瘦肉: 9分, 無味精的湯, 一飲落口係好熱, 亞妹仲辣到, 西洋菜算幾淋., 湯就好清, 大大碗, 由開始飲到尾, 份量十足..
粟米魚塊: 9分, 依然係小弟心愛的魚塊. 粟米汁係好像奶一樣, 撈汁一流. 當然魚塊唔係甚麼新鮮貨色, 粟米汁跟平日吃開的亦不太相同. 但係我就係喜歡這種奶油的感覺.
係個隻喜歡的就好喜歡, 不喜的就完全不愛. 我們三個當中, 亞妹同我都鍾意, 文迪就不喜歡.
咖哩雞: 8分, 亞妹揀的, 喜出望外, 個汁又係好得, 又係好好撈飯的. 小弟食了兩件雞都係比較老的, 但係文迪食的那件又唔老. 不過雞肉就麻麻入味, 薯仔就好正.
紅酒番茄燴牛尾: 8分, 又一個汁去撈飯, 紅酒汁都唔錯, 真係食到成碗飯都係汁. 牛尾煮得未算好入味, 不過幾淋.
蒜蓉炒西蘭花: 8分, 簡簡單單的炒西蘭花, 大大碟, 用蒜蓉去炒, 幾香口.
紅燒肋骨: 6分, 外加了一碟紅燒肋骨. 本來係這裡的名物, 之前幾次食都相當欣賞, 但今次明顯不太得, 面頭有點燒焦了, 黑黑的, 幸好那份蜜味仲係完全的滲出來, 係幾惹味的.
還有, 碟底有奇怪的血紅色, 豬肉就應該係熟的. 點都好, 有點倒胃.
等亞妹終於飲完碗大湯, 就開始甜品時間. 餐係一人一個甜品, 再加個六式, 一共九式.
芒果枕頭: 9分, 炸過的脆皮, 入邊係芒果肉. 皮係熱辣辣, 幾脆, 芒果幾靚, 幾鮮甜的. 口感特別.
蜂蜜烏龍茶啫哩: 10分, 其中一樣最愛的. 面頭有粒粒蜂蜜, 加上清新的烏龍茶啫哩, 蜂蜜的甜味同烏龍茶好匹配. 食落口係一陣清涼的感覺.
椰青糕: 9分, 用椰青做的糕, 每一口都像飲椰青一樣, 又係好清新, 淡淡然的, 不太甜.
水蜜桃乳酪: 7分, 這個較差, 或者小弟不太好乳酪, 總覺得這個甜品係酸多過甜. 水蜜桃味就有小小. 但真係好似食乳酪一般.
士多啤梨慕斯綠茶阿華田布甸: 7分: 大堆頭. 先食士多啤梨慕斯, 比較甜, 但士多啤梨味不太出. 綠茶阿華田布甸只有綠茶味為主, 阿華田味好淡, 幸好綠茶味係好清新. 不過成個甜品好像太貪心. 太多種味道, 不太匹配.
蛋型雲呢拿芒果布甸: 9分, 真係一隻蛋, 要剝了殼先食得. 入邊係好似蛋白同蛋黃的雲呢拿芒果布甸. 盛意十足, 味道亦幾好, 好特別.
法式燉蛋: 8分, 不錯, 甜度適中, 幾滑.
燉奶: 9分, 都係好滑, 好香奶味.
榴槤布甸: 10分, 亞妹的至愛, 這10分就幫佢比. 小弟試了一口, 係幾香榴槤味, 唔係臭的. 入邊仲有榴槤肉, 不太甜.
因為這布甸, 應該短期內再來了.
整體感覺依舊很好, 食物大部份都幾高水準, 服務就沒有以前的誠懇, 但依然不錯的, 價錢相宜, 係比較嘈, 都算坐得舒服.
好滿足的一餐.
张贴
