Wingman (已結業)

朋友們都知我鍾意食雞，特別是雞翼，Wingman開左一段時間時不時都想去食，有試過放工去中環分店，但好多人所以放棄左，今次朋友約我去旺角，終於可以一嘗叫雞。坐底見到佈置有獅子山，好有香港地味道，但店員係講英文嘅🤣🤣🤣叫咗個咯咯雞拼盤同加多個雞翼，兩個人夠食啦。如果係大胃王可以挑戰雞翼放題Passion Mango Soda入面有一粒粒百香果籽，個有芒果汁，酸酸甜甜唔錯咸蛋黃雞翼咸蛋黃雞翼係額外叫，上面鋪滿咸蛋黃好香，咬落去就feel到雞翼啱啱炸好，好夠熱好香脆，夾住咸蛋黃食唔會過咸，調味啱啱好巴馬臣芝士蒜蓉味雞翼上面有滿滿的蒜蓉😍😍😍鍾意蒜蓉嘅必點呀，食完一隻又一隻，停唔到口水牛城雞翼上面配咗啲芝士碎，見到啲汁包滿隻雞翼，都幾夠辣，同平時喺酒吧食嗰啲差唔多Espresso BBQ呢個見佢係咖啡味好特別，就點嚟試下，個樣好似土匪雞翼，食落咸咸地，嗒真啲又真係有咖啡味喎，幾有趣死神醬最後就打大佬試呢個死神醬，全隻雞翼滿佈辣椒同辣椒籽，小心翼翼咬一口，ummm…都幾辣，之後後勁越來越凌厲，飲哂成杯嘢飲都唔夠，感覺勁刺激但又好好食喎，如果真係怕太辣嘅朋友記得撥開啲辣椒唔好硬食呀，食完個胃仲暖暖