勝豐壽司 (已結業)

今日我們一直做嘢忙，至到下午去到馬鞍山烏溪沙站嗰陣，先有啲時間去買嘢食，所以我們就入咗呢間「勝豐壽司」睇吓有咩好食或者新唔新鮮？入到去見到每盒刺身或壽司都好新鮮，而且相當乾淨衛生！而我們就揀咗鰻魚盛嘅鰻魚雖然都算大件，但就略嫌比較薄身，至於味道就好鮮甜，而且喺表面嘅鰻魚汁都幾多，最好係唔會好乾身！帶子盛同赤貝帶子嘅帶子相當大粒，就算切開一半都好大件厚身，而且非常爽甜彈牙！而赤貝亦都係超新鮮，非常鮮甜爽脆！