孖啡 (已結業)

唔太明白為何咁多正評 不論食物質素/款式/環境/服務態度都相當一般1）叫左個主菜：燒豬仔骨併薯條如果呀店主睇到呢個食評的話，麻煩改善下豬仔骨過老既問題，咬落超級「鞋」，感覺好老，結果我食左少少都唔想再食。2）board game款式少而且包裝盒及d game都用到好舊了，建議要加下新game,與時並進，而且個盒咁舊令人冇咩意慾拎黎玩3）叫左杯芒果奶昔，過甜而且飲落都幾細杯，個杯身係高，但其實好幼身...飲兩淡都冇了....明白生意難做，但賣差不多$50一杯可以質素再好點點.....4）裝修都有點舊，依家樓上cafe好多選擇，唔少都係有風格或有主題既裝修，呢間略微冇咩特色，都比唔到慢活既感覺。二人台太細張，擺左個豬仔骨後都好逼了。