飲茶 (英皇鐘錶珠寶中心) (已結業)

今天去銅鑼灣食新派點心/中菜，聽聞點心外形討好，好多人影相。我自己反而會著重食物的味道，再考慮賣相。如果味道欠佳，外形靚靚都無用。言歸正傳，講食行先： 一籠八戒 ＋ 睇住流奶外形討好，味道普通，但小朋友見到就好開心。狗不理腸亦是外形有趣，味道正常，臘腸偏瘦和腸身粗，所以質感較硬，唔容易咬。牛肝菌炆伊麵這伊麵味道好，夠汁夠味，麵身煙韌，份量適中，佳作。炒蝦腸粉蝦夠味而肉身夠實，腸粉色水深但稍嫌味道不夠。如果你習慣用 XO醬炒會覺得這款不夠濃，但其實整體味道可以。扑扑蠔餅蠔太大粒，炸落太實肉，應該要選用蠔仔。而且加上木魚怪怪的，要新派中菜都不用加木魚扮 fusion. 雞雞春卷有趣的名字，蠔餅叫扑扑，春卷叫雞雞。食店以為改 cute cute 名就好有睇頭，說穿了咪又係春卷。這春卷整得幾差，差在餡料淡而無味，而且餡料質感較腍，口感欠佳。蟹籽燒賣燒賣可以，綠色的燒賣皮特別（味道與常見的黃色皮沒分別），蟹籽份量足，如果豬肉肥多一點味道會更佳。可可麻球一上麻球個個都拿起相機影相，底下的乾冰帶出霧霞，如詩如畫。但個麻球唔好食哩，餡料用朱古力，我年紀大接受唔到。真心除左靚之外，這個麻球一無是處。總結