影片
更多
2017-11-03
2298 浏览
這天幫朋友手搬屋, 完事後到上址大擦一頓, 一行四人, 這晚感覺是每碟份量都明顯細份量咗, 不過價錢就無乜變更, 阿姐都係以前熟口熟面那幾個,先上友人A這晚特別想吃的豉椒炒蜆$98, 這個未算中伏不過係強差人意囉,獻汁太杰身,濃味蓋過蜆本來的鮮味(如果還有的話) 所以我會抱同Kan Lee同一想法,這堆蜆本來的存活率有多高?而價錢跟這菜來得有點不對稱, 第二個上來的是西蘭花炒鮮魷$88, 鮮魷係新鮮貨口感同味道甚好但西蘭花就好大朵, 基本上沒幾朵有破開的, 要知道客人唔係個個都喜歡自己咬開才吃吧?!第三個韮菜花大馬站煲$72係似一個用蝦醬煮的豆腐火腩煲, 蝦醬用得少, 火腩比例較多, 最好食的居然係放在頂的幾條韮菜花, 配角變主角!第四個係椒鹽九肚魚$88, 果然到油炸的菜式就似樣好多了, 外側乾身內裡仍然保持肉汁, 雖然呢隻魚本身無乜味只能依賴碎蒜,椒鹽,五香粉之類帶出味道來, 但這道炸魚確實貨真價實,絕無欺場!第五個係蒜茸炒白菜, 家庭式炒菜一碟唯獨是跟西蘭花一樣大部份沒有怎樣切過,第六個係豉油皇炒麵$78, 估唔到佢都攞到d幾唔錯嘅幼身蛋麵返來炒喎,所以只係好簡單嘅材料效果同食味
先上友人A這晚特別想吃的豉椒炒蜆$98, 這個未算中伏不過係強差人意囉,獻汁太杰身,濃味蓋過蜆本來的鮮味(如果還有的話) 所以我會抱同Kan Lee同一想法,這堆蜆本來的存活率有多高?而價錢跟這菜來得有點不對稱,
第二個上來的是西蘭花炒鮮魷$88, 鮮魷係新鮮貨口感同味道甚好但西蘭花就好大朵, 基本上沒幾朵有破開的, 要知道客人唔係個個都喜歡自己咬開才吃吧?!
第三個韮菜花大馬站煲$72係似一個用蝦醬煮的豆腐火腩煲, 蝦醬用得少, 火腩比例較多, 最好食的居然係放在頂的幾條韮菜花, 配角變主角!
第四個係椒鹽九肚魚$88, 果然到油炸的菜式就似樣好多了, 外側乾身內裡仍然保持肉汁, 雖然呢隻魚本身無乜味只能依賴碎蒜,椒鹽,五香粉之類帶出味道來, 但這道炸魚確實貨真價實,絕無欺場!
第五個係蒜茸炒白菜, 家庭式炒菜一碟唯獨是跟西蘭花一樣大部份沒有怎樣切過,
第六個係豉油皇炒麵$78, 估唔到佢都攞到d幾唔錯嘅幼身蛋麵返來炒喎,所以只係好簡單嘅材料效果同食味都相當唔錯,
第七個係風沙雞半隻$90, 久違咗嘅呢個炸雞今晚只是平平, 皮還有點脆, 肉未致最嫩滑應該係做咗pre-cook嘅綠故,
週末晚上9點後未見人龍, 座咗大槪7成滿, 而我們坐低後還有些少客人陸陸續續到來吃飯, 不過感覺是以前熱鬧一點, 客人也多過這晚所見的, 希望佢繼續堅持下去, 能夠多一些點子吸引新客人!
张贴
