家賀屋刺身寿司專門店

真係食過一次就會掛住，食得出食材好新鮮，尤奇是刺身，每款都好鮮味。而且大部份時間都有日本直送的鮮魚，價錢又唔貴，所以耐唔耐都會同朋友黎。自家製焦糖玉子燒($38)這裡的玉子燒有冷食同熱食選擇，因為喉嚨唔太舒服，所以選擇左熱食既。玉子燒甜度岩岩好，有蛋味之餘又帶點微甜。最特別係佢表面真係燒左一層薄薄地而又香脆既焦糖，絕對要一試。築地鮮魚($300)築地直送時令鮮魚，一魚兩食。首先當然係起左魚肉做刺身，加埋特製既柚子醬汁，清新的柚子味令魚味更突出。食落肉質有柔軟而有口感，食得出真係好新鮮。食完刺身部份之後，仲可以選擇煮個魚湯或者將魚頭魚骨炸起。煮湯另加錢，我們選擇左炸的方式。唔好以為得魚頭魚骨冇野好食，因為真係炸到好酥香，用黎送Suntory啤酒一流。壽司點左赤貝壽司($13)同油甘魚壽司($13)，好厚身好新鮮。特選鮪盛($238)三種唔同部位既的吞拿魚腩都是好厚切的，單睇賣相已經忍唔住。最深色的油脂比較少，食落肉質都好軟嫩。最粉紅色的油脂較多，食落好香魚吞拿魚的鮮味，真係超級滿足。火炙左口魚裙邊丼定食($130)定食都好抵，有滿滿的火炙左口魚裙邊刺身的丼飯，加埋沙律、茶碗蒸及味噌湯，大