津屋爐端燒 (已結業)

咁啱今晚系九龍城又未食飯， 於是同朋友睇下附近有咩好食， 行到去太子道西附近，見到一間叫做津屋爐端燒嘅日本料理餐廳，好似望入去幾有格調於是同朋友一齊入去食下試下咩葫蘆賣咩藥！入到餐廳裏邊一位女侍應就帶我哋去到門口附近一張卡位坐低，畀咗啲餐牌我哋睇！攞起個餐牌嚟睇見到都好似好好味，於是叫咗個角切錦繡魚生大飯，日本沖繩黑豬鮮姑卷，一件帆立貝同一件三文魚壽司，飲品叫左巨峰乳酸梳打，首先嚟嘅係一細碟嘅前菜有牛脷同冬瓜粒，食完啲嘢食之後個侍應仲拎埋個芝麻味嘅雪糕比我哋。整體嚟講都好滿意好好味。