燒魂 (已結業)

真係唔好信OP食評食物方面，除咗炸物係好食，其他食物味道正常食一回算。食物，飲品種類，少得可憐。食完刺身，無意中望到刺身櫃，冚包散喇希望唔好肚屙喇，衛生👎🏻👎🏻👎🏻吞拿魚刺身難食玉子👎🏻。甜品，係冇嘅，唔係賣哂嘅冇，係冇提供嘅無。今晚最不滿部份，第一次幫襯，我6點半入座，侍應話價錢改咗6點入座都係$368但包加一(以前6點至8點$338再加一)，我哋3個人明明都聽到包加一先決定入座試吓，最後埋單有收加一，問番話包加一侍應，佢好似失憶咁唔認數(最後解決方法，話比現金有85折另原價加一)，星期六8:30離座成晚得3枱客執笠係遲早嘅事，平心而論今餐食物飲品質素只值$220左右。我都好少寫食評，唔想再有人肯留港消費而中伏。